Waziri wa Afya, Jinsia, Maendeleo ya Wazee na Watoto azindua vitambulisho vya wazee Kigamboni

Posted on: July 28th, 2017

Waziri wa Afya, Maendeleo ya jamii, jinsia, wazee na watoto Mhe Ummy Mwalim, leo tarehe 27 July 2017 amezindua utoaji wa vitambulisho vya matibabu bure kwa wazee wa wilaya ya Kigamboni.na  kuwapongeza Mkuu wa Wilaya na Mkurugenzi wa manispaa ya Kigamboni kwa kuweza kufanya utambuzi wa wazee zaidi ya elfu Saba ambapo nusu yao wamepatiwa vitambulisho vya matibabu bure.

Pamoja na uzinduzi wa zoezi hilo, Waziri Ummy amezitaka  Halmashauri zote kuiga mfano wa Kigamboni na kuagiza kuwa kufikia tarehe 30/9/2017 wilaya zote nchini ziwe zimewatambua wazee katika maeneo yao na kuwapatia vitambulisho vya matibabu bure.