Manispaa ya Kigamboni yashauriwa kubuni vyanzo vipya vya Mapato

Posted on: August 30th, 2023

Mstahiki Meya wa Manispaa ya Kigamboni Mhe. Ernest Mafimbo ameushauri uongozi wa Manispaa ya Kigamboni kubuni vyanzo vipya vya Mapato kwa lengo la kuongeza Mapato ya ndani ya Manispaa yanayotokana na makusanyo toka vyanzo mbalimbali.

Mhe Mafimbo ametoa ushauri huo mchana wa leo tarehe 30/08/2023 katika Mkutano wa Baraza maalumu la Madiwani lilifanyika kwa lengo la kuwasilisha taarifa ya hesabu za Mwisho kwa mwaka wa fedha unaoshia 30/06/ 2023.

"Wataalamu bado wananafasi ya kuongeza mapato pale wanapopata changamoto wanaweza kuwashirikisha Madiwani ili kufanya vizuri zaidi." Mstahiki Meya alisema.

Aidha ameupongeza uongozo wa Manispaa kwa kusimamia vizuri mapato na miradi ya Maendeleo na kuifanya Manispaa ya Kigamboni kupata hati Safi kwa mwaka huu wa fedha hivyo kuifanya Manispaa kupata hati safi mara 6 mfululizo tangu kuanzishwa kwake.