Kigamboni yashukuru Ofisi ya Mkuu wa Mkoa kwa kupatiwa magari ya kusafirisha taka

Posted on: April 21st, 2021

Mstahiki Meya wa Manispaa ya Kigamboni Mhe. Ernest Mafimbo kwa niaba ya Madiwani wote leo ameishukuru Ofisi ya Mkuu wa Mkoa wa Dar es Salaam kwa hekima aliyoionesha ya kuipatia Manispaa gari mbili za ukusanyaji taka ngumu.

Akizungumza wakati wa uzinduzi wa magari hayo  kwenye Ofisi za Mkurugenzi Meya Amesema kuwa, Manispaa imepata   nyenzo muhimu kwaajili ya kusafirisha taka ngumu kwani kabla ya magari hayo hali ilikua mbaya  na mrundikano wa taka ulikua ni mkubwa .

“Tunashukuru jitihada za Mkuu wa Mkoa kuhakikisha Kigamboni tunapata magari haya yatakayosaidia kuondoa taka ngumu kwa wakati, Uhitaji bado upo lakini kama Manispaa tunaendelea na jitihada zetu za kuhakikisha tunaongeza nyenzo nyingine ili zoezi la uwekaji mazingira safi liweze kutimia kwa kuwa na magari ya kuzoa taka ya kutosha” Amesema Meya.

Aidha Mstahiki Meya ametoa wito kwa wananchi  kuacha kutupa taka hovyo na badala yake kuhifadhi taka hizo kwenye makasha yatakayowekwa kwenye maeneo yao ili kuweka mazingira safi.

Kwaupande wake Mkurugenzi wa Mansipaa Ndg.Erasto Kiwale amewashukuru Madiwai kwa kupokea magari hayo lakini pia ameishukuru Ofisi ya Mkuu wa Mkoa na Mkuu wa Wilaya ya Kigamboni kwa jitihada walizozionesha kuhakikisha Kigamboni inapata magari ya kukusanyia Taka.

Mkurugenzi amesema jambo hilo limeonesha kuwajali wananchi na ameahidi kuwa magari hayo yatatumiwa vizuri katika kuweka mazingira safi huku akiwasisitiza wananchi kutunza vifaa hivyo na kuwata kuona kuwa suala la usafi ni la kila mtu sio kuitegemea Manispaa pekeyake.

Ameongeza  kwa kusema kuwa  makasha ya kukusanyia taka yatasambazwa kwenye maeneo yenye uzalishaji mkubwa ya taka ambayo ni Stendi ya mabasi Feri, Bandari Feri, Kwa Dumba Feri na Stendi ya mabasi Kibada ili kuwawezesha wananchi kupata huduma kwa wakati

Kupitia Ofisi ya Mkuu wa Mkoa Manispaa ya Kigamboni imewezeshwa kupata magari mawili ya kubebea makasha ya taka (skiploader) aina ya HOWO na makasha sita ya kukusanyia na kutunza taka.

Waheshimiwa Madiwani  wakifurahi kwa pamoja Mara baada ya kukata utepe ishara ya uzinduzi wa magari hayo.

Mkurugenzi wa Manispaa ya Kigamboni Erasto Kiwale akitoa shukurani za kupatiwa magari ya kuzoa taka ngumu

Mstahiki Meya Mhe.Ernest Mafimbo akiwa ndani ya gari Mara baada ya uzinduzi.

Muonekano wa magari.