KAMATI YA ULINZI NA USALAMA WATEMBELEA NYUMBA ZA WATUMISHI HOUSING

Posted on: August 24th, 2017

Kamati ya ulinzi na usalama Wilaya ya Kigamboni ikiongozwa na Mkuu wa Wilaya ya Kigamboni Mh.Hashim Mgandilwa imetembelea mradi wa nyumba za shirika la Watumishi Housing Company (WHC) unaoendelea katika eneo la Dege- Mwongozo ili kuona hatua iliyofikiwa.

Mradi huo wa nyumba zaidi 750 zenye garama tofauti umekamilika kwa zaidi ya asilimia 85 kulingana na maelezo ya Mkurugenzi Mtendaji wa shirika hilo Dr. Fredy Msemwa ambapo amesema awamu ya kwanza wa Mradi huo ulilenga kujenga nyumba 330 zenye ukubwa kuanzia chumba kimoja hadi vitatu na vyenye bei tofauti kati ya shilingi milioni 45 na 85 kulingana na anina na ukubwa wa nyumba.

Mkuu wa Wilaya amewapongeza WHC huku akiwaomba kuangalia namna ya kujenga nyumba zenye gharama nafuu zaidi ili kuwawezesha watu wenye uwezo mdogo kumiliki nyumba bora.