Kamati ya fedha na utawala yafanya ziara ya kukagua Miradi ya maendeleo

Posted on: January 22nd, 2024

Leo Januari 22. 2024  Kamati ya fedha na utawala ikiongozwa na mwenyekiti wake ambaye ni Mstahiki Meya wa Manispaa ya Kigamboni Mheshimiwa Ernest Ndamo Mafimbo imefanya ziara ya kutembelea na kukagua Miradi ya maendeleo inayotekelezwa katika kipindi cha robo ya pili ya mwaka wa fedha 2023/2024.

Katika ziara hiyo kamati ilimpongeza Rais wa Jamhuri ya Muungano wa Tanzania Mhe Dkt Samia Suluhu Hassan kwa kuendelea kuboresha sekta ya Elimu kupitia ujenzi wa shule mpya pamoja na uboreshaji wa miundombinu inayowawezesha watoto kupata Elimu bora.

Kwa upande mwingine Kamati iliiagiza Menejimenti ya Manispaa ya Kigamboni kutumia greda lake kuboresha barabara zinazoenda katika miradi  ili ziweze kupitika vizuri katika kipindi cha mwaka mzima na kuwasaidia walengwa wa miradi hiyo.

Aidha katika ziara hiyo Kamati iliweza kutembelea mradi wa ujenzi wa shule mpya ya Saranga kata ya Mjimwema, ujenzi wa Machinjio kata ya Somangila pamoja na ujenzi wa Hospitali ya kifua kikuu sugu iliyopo kata ya Vijibweni.