DC BULEMBO AWEKA WAZI HATUA ZILIZOFIKIWA UTATUZI MGOGORO WA BARABARA YA KIDAGAA MTAA WA MIKENGE - KIMBIJI, AELEZA UMUHIMU VIBALI VYA UJENZI

Posted on: July 4th, 2023

Mkuu wa Wilaya ya Kigamboni Mhe. Halima Bulembo ameendelea na ziara yake ya kutambua kero za  mtaa kwa mtaa ambapo leo tarehe 14 Juni, 2023 amefika katika mitaa ya Mikenge,Kizito huonjwa na Ngobanya ndani ya Kata ya Kimbiji.

Katika kutatua changamoto za Wananchi, DC Bulembo ameweka wazi hatua zilizofikiwa ili kumaliza mgogoro wa barabara ya Kidagaa ulikuwa kati ya Wananchi na Mwekezaji Kampuni ya (ASM Limited) mgogoro ambao umedumu kwa muda mrefu.

 Tumefikia jitijhada kubwa sana haikuwa rahisi, niwaombe wana Mikenge mridhie tumepata barabara tatu tofauti zitakazokuwa zinaenda mpaka ufukweni na kwenye makazi ambapo mwanzo  barabara ilikuwa moja, niwasihi tusiwe na migogoro baina yetu kama Serikali, Wananchi na Wawekezaji, tuliongea na Mwekezaji (ASM) na yeye amekubali kuwajibika katika kutengeneza barabara itakayopita hadi baharini na tulimpa muda wa siku 90 atakamilisha* " Alisema DC Bulembo

Aidha DC Bulembo amemtaka Afisa Ardhi Manispaa ya Kigamboni kuwaandikia barua wawekezaji wote za kuwataka kuzingatia sheria na taratibu kwa kushirikisha serikali kupitia idara ya ardhi kwenye masuala ya tathmini kwa maeneo wanayonunua kwa wananchi ili kuepukana na migogoro mbalimbali kama dhulma.

Akijibu kero ya vyoo shule ya Msingi Mikenge DC Bulembo ameahiza Manispaa kumleta  Mhandisi wao kufika katika shule ya Mikenge kuona adha inayolalamikiwa ya ubovu wa vyoo ilikusudi kujua namna gani ya kuweza kurekebisha vyoo hivyo.

Nae Afisa elimu Msingi ndg.Hasaan Mianza ameweka wazi kwa wananchi( walipotaka kujua kuhusu kuongezwa kwa madarasa na uhaba wa walimu) kuwa zipo fedha kutoka kwenye Katika bajeti ya mwaka wa fedha 2023/24 zimetengwa kiasi cha Tsh Milioni 40 kwa ajili ya ujenzi wa Madarasa mawili katika shule ya msingi Mikenge, Aidha katika ajira mpya zilizotangazwa, Manispaa imeweka kipaumbele cha kuongezwa kwa walimu wawili katika shule hiyo.

Akijibu maswali ya Wananchi, Meneja DAWASA amesema katika bajeti ya 2023/24 zimetengwa fedha na kuanzia mwezi wa 9 ujenzi wa kupitisha mabomba ya maji safi kwa kilomita 5 utaanza  na kwa Kata ya Kimbiji utapitia katika mtaa wa Mikenge, Kizitohuonjwa na Kijaka.

Aidha, katika kutatua kero ya barabara zilizoharibiwa na mvua Manispaa ya Kigamboni imetolewa pesa kwa kila kata  kwa ajili ya  marekebisho ya kuchonga na kuweka vifusi katika barabara na tayari pesa hizo zimeshatolewa kwa ajili ya utekelezaji,kila Kata imepata kiasi cha shilingi mil 28 ambapo mil.18 kutoka TARURA ambazo tayari zimekwishapokelewa na mil.10 zitatoka Manispaa.                             Akijibu kuhusu ombi la kuondolewa kwa ukataji wa vibali vya ujenzi kunakoonekana kuwa ni kero    kwa wananchi Mh.Bulembo amesema vibali vya ujenzi vina umuhimu mkubwa Sana Katika kudhibiti migogoro ya ardhi, kudhibiti ujenzi holela  na upangaji wa mji  hivyo amewataka kuendelea kukata vibali vya ujenzi wanapotaka kuanzisha ujenzi wowote ili kuepuka usumbufu .                      

Katika kushiriki kwa vitendo kutatua kero za wananchi Mh.Bulembo amefanya Harambee kwa ajili ya ujenzi wa Ofisi ya Mtaa ambapo katika mkutano huo zimepatikana pesa kiasi cha shilingi mil.ambapo Mbunge wa Kigamboni Faustine Ndugulile ,Mh.Bulembo,Mh.Sanya Bunaya Diwani wa Kimbiji na Mkurugenzi wa Manispaa ndg.Erasto Kiwale wamechangia  na wataalam pia alioambatana nao wameshiriki katika Harambee hiyo.