WADAU WATAKIWA KUSAIDIA MAKUNDI MAALUM

Posted on: May 19th, 2020

“Kwa niaba ya Manispaa ya Kigamboni napenda kutoa shukrani zangu za dhati kwa kutambua  mahitaji ya makundi maalumu haswa katika kipindi hiki cha janga la ugonjwa wa Corona, pia natoa wito kwa wadau wengine kujitoa katika kuisaidia Jamii.”

Kauli hiyo imetolewa na Mkurugenzi wa Manispaa ya Kigamboni  Ndugu. Ng’wilabuzu Ludigija wakati akipokea msaada uliotolewa leo na Taasisis ya Wanawake  wasanifu Majengo uliokabidhiwa na Mwenyekiti wa Taasisis hiyo Mhandisi Victoria Marwa kwaajili ya kituo cha kulea Wazee cha Nunge kilichopo katika Kata ya Vijibweni.

Aidha  msaada uliotolewa ni pamoja na Ndoo za kunawia mikono 25, Unga wa sembe kilo 100,      Barakoa /Mask 100, Sanitaizer chupa 25, Mafuta ya kupikia lita 60, Toilet paper katoni 10, Ngao za uso katoni 5, Miche ya sabuni 25, Chumvi katoni 1, Maharage kilo 50, Sukari kilo 40, Mchele kilo 200, pamoja na Njugu mawe kilo 50.